اسلام آباد۔9فروری(اے پی پی) وزیراعظم محمد شہباز شریف متحدہ عرب امارات دے وزیراعظم شیخ محمد بن راشد المکتوم دی دعوت تے ورلڈ گورنمنٹس سمٹ (ڈبلیو جی ایس )اچ شرکت سانڳے 10 توں 11 فروری 2025 تئیں متحدہ عرب امارات (یو اے ای) دا ݙو ݙینھ دا سرکاری دورہ کریسن ۔ترجمان وزارت خارجہ توں جاری بیان موجب شیخ محمد بن راشد المکتوم دی سربراہی اچ منعقدہ اجلاس اچ گورننس، اختراعات اتے بین الاقوامی تعاون دے مستقبل تے ڳالھ مہاڑ سانڳے ریاستاں/حکومتاں دے سربراہان، عالمی پالیسی سازاں تے نجی شعبے دے سرکردہ رہنماواں دی ھک وݙی تعداد کوں سݙیا ڳئے ۔ وزیراعظم محمد شہباز شریف دا مارچ 2024 اچ عہدہ سنبھالݨ دے بعد متحدہ عرب امارات دا اے ݙوجھا دورہ ہوسی ۔ وزیراعظم دے رلے نائب وزیر اعظم و وزیر خارجہ سینیٹر محمد اسحاق ڈار تے کابینہ دے ٻئے اہم ارکان تے ھک اعلیٰ سطحی وفد وی ہوسی، جیڑھا متحدہ عرب امارات اتے ٻئے عالمی شراکت داراں نال آپݨے تعلقات کوں مزید ودھ??وݨ سانڳےپاکستان دے تکڑے عزم کوں ظاہر کریندے ۔اپݨے دورے اچ وزیراعظم ڈبلیو جی ایس توں کلیدی خطاب کریسن ۔ جیں اچ جامع اقتصادی ترقی، ڈیجیٹل تبدیلی اتے گورننس اصلاحات سانڳے پاکستان دے وژن کوں اجاگر کیتا ویسی ۔او متحدہ عرب امارات دی قیادت نال ݙو پاسے ملاقاتاں ??ی کریسن تے شریک ملکاں دے سربراہان مملکت/حکومت اتے صف اول دی ملٹی نیشنل کمپنیاں دے سرکردہ چیف ایگزیکٹو افسراں نال وی ملاقات کریسن ۔پاکستان تے متحدہ عرب امارات وچال گھاٹے براد??ان?? تعلقات ہن جیڑھے جو سانجھے اعتماد، افہام و تفہیم اتے پراݨے باہمی فیدہ مند تعاون تے قائم ہن۔ متحدہ عرب امارات پاکستان دے اہم اقتصادی اتے اسٹریٹجک شراکت داراں اچوں ھک اے ݙوہیں ملکاں وچال ٻہوں سارے شعبیں اچ تکڑا تعاون اے ۔متحدہ عرب امارات اچ پاکستانی تارکین وطن دی ھک وݙی تعداد اے جیڑھے جو دنیا اچ موجود پاکستانی تارکین وطن دی ݙوجھی وݙی کمیونٹی اے۔ تارکین وطن پاکستانی ݙوہیں ملکاں دی ترقی اتے کامیابی اچ ھک اہم کردار تے ݙو پاسے تعاون ودھ??وݨ سانڳے ھک پل دا کردار نبھیندے پئن وزیراعظم دا دورہ متحدہ عرب امارات ݙو پاسے تعلقات کوں مزید تکڑا بم??وݨ ، وسیع تر اقتصادی تعاون دے ودھارے تے سانجھی خوشحالی سانڳے شراکت داری دے نویں روستے ڳولݨ اچ معاون ثابت تھیسی۔
