اسلام آباد۔14ستمبر (اے پی پی) وفاقی وزیر تجارت جام کمال خان دے وژن موجب پاکستان دی تاریخ اچ پہلی واری ٹریڈ ڈسپیوٹ ریزولوشن کمیشن فعال کر ݙتا ڳئے، وزیرِ تجارت دی قیادت اچ کمیشن آپݨے کم دا عملی آغاز کر ݙتے۔ وزارت تجارت موجب وزیراعظم دے کوآرڈینیٹر رانا احسان افضل ایں حوالے نال آکھیے جو کمیشن دے قیام اتے فعال تھیوݨ دا سہرا جام کمال خان کوں ویندے۔ وزیرِ تجارت دی ہدایت تے وقتی طور تے دفتر، بجٹ اتے آن لائن شکایتی پورٹل دا قیام اتے کمیشن دا فعال تھیوݨ حکومتی عزم اتے اصلاحات دا مظہر اے۔ رِفعت انعام بٹ آکھیے جو کمیشن سروس و فنانشل رولز جلدی مکمل کریسی۔ ایں حوالے نال عمر داد آفریدی آکھیے جو کمیشن تجارتی جھیڑیں دے حل دا نواں شفاف باب کھولیسی۔ واضح رہے جو وزارت تجارت کاروباری طبقے کیتے تاریخی سنگِ میل عبور کریندے پاکستان دے پہلے تجارتی تنازعہ حل کمیشن کوں فعال کر ݙتے، وفاقی وزیر جام کمال خان دی قیادت اچ پاکستان اچ شفاف اتے تیز تنازعہ حل دا نظام ٹریڈ ڈسپیوٹ ریزولوشن کمیشن بزنس کمیونٹی کیتے امید دی کرن اے
