چٹاگانگ۔30نومبر(اے پی پی)چٹاگانگ اچ پاکستان بنگلا دیش دا 202 رنز دا ہدف صرف ݙو وکٹاں تے پورا کرتے پہلا ٹیسٹ 8 وکٹاں توں جیت ڳھدے۔ ݙو ٹیسٹ میچاں دی سیریز اچ پاکستان کوں ہک صفر دی وتھی مل ڳئی اے۔ ݙوڄھی اننگ اچ پاکستانی اوپنر عابدعلی 91 اتے عبداللہ شفیق 73 رنز تے آؤٹ تھین۔ اظہرعلی 24 اتے کپتان بابراعظم 13 رنز تے ناٹ آؤٹ رہین۔ پاکستان باولرز حسن علی اتے شاہین آفریدی میچ اچ 7،7 وکٹاں ڳھدن۔ چٹاگانگ ٹیسٹ اچ عابدعلی کوں پلیئر آف دی میچ قرار ݙتا ڳئے۔ انہاں پہلی اننگز اچ 133 اتے ݙوڄھی اننگز اچ 91 رنز ٻݨائن۔ بنگلہ دیشی ٹیم اپݨی ݙوڄھی اننک اچ 157 تے آوٹ تھی ڳئی ہئی اتے اپݨی پہلی اننگ دے 44 وادھو رنز پاروں پاکستان کوں جیت کیتے 202 رنز دا ہدف ݙتے۔
.jpg)
