اسلام آباد۔30جنوری(اے پی پی)وفاقی کابینہ وزارت امور کشمیر و گلگت بلتستان اتے وزارت سرحدی امور دے انضمام کیتے رولز آف بزنس اچ ترمیم، وفاقی حکومت دے زیر انتظام میڈیکل و ڈینٹل کالجز اچ صوبائی کوٹہ اچ 25 فیصد کمی کرݨ اتے آف دی گرڈ لیوی کیپٹو پاور پلانٹس آرڈیننس 2025 دی منظوری ݙے ݙتی۔ وزیراعظم محمد شہباز شریف دی زیر صدارت وفاقی کابینہ دا اجلاس تھئے جیندے اچ پٹرولیم ڈویژن دی سفارش ??ے آف دی گرڈ لیوی کیپٹو پاور پلانٹس آرڈیننس 2025 دی منظوری ݙتی ڳئی۔ اجلاس اچ وزارت قانون انصاف 2020 اچ پارلیمنٹ اچ پاکستان انٹر??یش??ل ایئر لائن دے پائلٹس بارے ݙتے قئے بیان تے بریفنگ ݙتی ڳئی جو ایندے نال ملک و قومی ائیر لائن دا تشخص شدید متاثر تھئے ٻھل قومی خزانے کوں وی ٻہوں نقصان پڄیے۔ کابینہ ایں بیان دا جائزہ ڳھنݨ کیتے فیکٹ فائنڈنگ کمیٹی ٻݨاوݨ دی منظوری ݙتی۔ وفاقی کابینہ وزارت موسمیاتی تبدیلی دی سفارش ??ے مڈل ایسٹ گرین انیشیئیٹو دے چارٹر دی توثیق کیتی جیندے تحت 200 ملین ہیکٹرز زمینی رقبہ بحال کیتا ویسی اتے 50 بلین درخت ل??ئے ویسن۔ وفاقی کابینہ حکومت پاکستان اتےر یورپین یونین وچال ٹیرف ریٹس کوٹہ دی تقسیم دے معاہدے دی منظوری ݙتی اتے اکائونٹیبلٹی کورٹ III اسلام آباد دی ری آرگنائزیشن کرݨ اتے ایکوں سپیشل کورٹ (سی این ایس۔III) اسلام آباد اچ تبدیل کرݨ دی وی منظوری ݙتی۔ کابینہ جنرل منیجر انجینئرنگ کراچی پورٹ ٹرسٹ رئیر ایڈمرل حبیب الرحمٰن کوں ݙو مہینے کیتے چیئرمین کراچی پورٹ ٹرسٹ دا وادھو چارج ݙیوݨ دی وی منظوری ݙتی۔ کابینہ وفاقی حکومت دے زیر انتظام میڈیکل اتے ڈینٹل کالجز اچ صوبائی کوٹہ اچ 25 فیصد کمی کرݨ دی منظوری ݙتی جیندے بعد اسلام آباد کیپیٹل ٹیریٹری دا ڈومیسائل رکھݨ آلے طلباء کوں وفاق دے زیر انتظام میڈیکل و ڈینٹل کالجز اچ تعلیم دے ودھ مواقع ملن۔ وفاقی کابینہ کابینہ کمیٹی برائے ریاستی ملکیتی ادارہ جات دے 17 جنوری 2025ء دے اجلاس دے فیصلاں دی توثیق کیتی اتے کابینہ کمیٹی برائے لیجسلیٹو کیسز دے 17 دسمبر 2024ء دے اجلاس اچ سٹیزن شپ ایکٹ 1952 اچ ترامیم بارے فیصلے دی توثیق کیتی۔
