اسلام آباد ۔ 12 دسمبر (اے پی پی)گورنر پنجاب چوہدری محمد سرور آکھیے جو بلو اکانومی (سمندراں اتے ساحلی علاقیں متعلق اقتصادی سرگرمیاں)دی ترقی کیتے میری ٹائم شعبے اچ ریسرچ دا دائرہ کار ودھاونڑ دی اشد ضروری اے ، بحر ہند دے مسابقتی ماحول اچ سی پیک پاکستان کیتے سٹریٹیجک اہمیت دا حامل اے۔ اوخمیس کوں پی این وار کالج اچ پاک بحریہ دے زیر انتظام تریجھی میری ٹائم سکیورٹی ورکشاپ 2019 دی اختتامی تقریب نال خطاب کریندے پئے ہن ۔ترجمان پاک بحریہ دے مطابق اختتامی تقریب دے مہمان خصوصی گورنر پنجاب چوہدری محمد سرور ہن۔میری ٹائم سکیورٹی ورکشاپ دی اختتامی تقریب اچ وائس چیف آف دی نیول سٹاف وائس ایڈمرل محمد فیاض جیلانی وی شرکت کیتی ۔پی این وار کالج آمد تے مہمان خصوصی یادگار شہداءتے حاضری ڈتی ۔ تقریب دے دوران گورنر پنجاب پی این وار کالج اچ میری ٹائم سینٹر آف ایکسیلینس دا افتتاح کیتا۔تقریب نال خطاب کریندے ہوئیں گورنر پنجاب چوہدری محمد سروس آکھیے جو پاکستان کوں درپیش توانائی، تجارت اتے بےروزگاری دے مسئلیں کوں بلو اکانومی دی ترقی دے ذریعے حل کیتا ونج سگدے ۔انہاں آکھیے جو میری ٹائم سیکورٹی سمیت ملک اچ میری ٹائم آگاہی دے ودھارے کیتے پاک بحریہ دی خدمات قابل تحسین اے ۔
.jpg)
