لاہور۔6ستمبر(اے پی پی) جی ایچ کیو راولپنڈی اچ یوم دفاع دی خصوصی تقریب تھئی اے جیندے مہمان خصوصی صدر مملکت ڈاکٹر عارف علوی ہن۔ تقریب اچ چیئرمین جوائنٹ چیفس آف سٹاف کمیٹی، تریے مسلح افواج دے سربراہان آرمی چیف جنرل قمر جاوید باوجوہ، سربراہ پاک بحریہ اتے پاک فضائیہ وی موجود ہن۔ تقریب اچ وفاقی کابینہ دے ارکان، وزیر اطلاعات فواد چوہدری، وزیر مملکت فرخ حبیب، وزیر خزانہ شوکت ترین، وزیر دفاع پرویز خٹک، وزیر مذہبی امور، چیئر مین سینیٹ صادق سنجرانی اتے قائد حزب اختلاف قومی اسمبلی شہباز شریف، شہیداں اتے غازیاں دے ٹبراں سودھا اعلیٰ سیاسی و عسکری حکام شرکت کیتی۔ تقریب دے شروع اچ قومی ترانہ وڄایا ڳئے۔ تقریب دے شرکا شہیداں اتے غازیاں دی قربانی کوں خراج تحسین پیش کریندے مادر وطن کیتے ڄذبے اتے حوصلے کوں سراہے۔ تقریب اچ جنگ ستمبر 1965 سانڳے ڈاکو منٹری اتے مختلف گلوکاراں دی پرفارمنس پیش کیتی ڳئی۔
