اسلام آباد۔14مارچ (اے پی پی):صدر مملکت ڈاکٹر عارف علوی دی اہلیہ ثمینہ عارف علوی آکھیے جو خواتین کوں مالی طورتے بااختیار بݨاوݨ ناگزیر اے،تریمتاں صرف خاندان دی مدد نی کریندیاں بلکہ ملک دی مجموعی معاشی ترقی اچ اہم کردار ادا کریندن ، خواتین دی ترقی توں انہاں اچ احساس محرومی ختم کرݨ اچ مدد مل ویسی او آپݨیاں صلاحیتاں کوں استعمال کرتے ملک دی ترقی و خوشحالی اچ اہم کردار اداکرسڳدن ، خوشحال اتے شفاف پاکستان اچ انہاں دا اہم کردار اے ، اے ڳالھ انہاں سنوار کوں ایوان صدر اچ 101 سی ای اوز آف پاکستان کتاب دی تقریب رونمائی توں خطاب کریندے ہوئیں آکھی اے ، انہاں آکھیے جو زمانہ جاہلیت اچ خواتین دا گھروں ٻاہر نکلݨ تاں درکنار کوئی ڳالھ کرݨ وی جرم سمجھیا ویندا ہئی تے انہاں کوں امتیازی سلوک دا نشانہ بݨایا ویندا ہئی ۔ انہاں آکھیے جو موجودہ دور اچ تریمتاں اپݨے سماجی حقوق اتے معاشی ذمہ واریاں توں آگاہ تے انہاں اچ بے پناہ صلاحیتاں موجود ہن او ملک دے مختلف شعبیں اچ اہم خدمات سرانجام ݙیندیاں پئن انہاں آکھیے جو تحریک پاکستان اچ تریمتاں اہم کردار ادا کیتے ، قائد اعظم محمد علی جناحؒ فرمایاکوئی قوم ایں ویلھے تئیں ترقی نی کرسڳدیاں جݙاں تئیں تریمتاں مرداں دے رلے نہ کھڑ ونڄن۔
