راولپنڈی۔11نومبر(اے پی پی)سربراہ پاک فضائیہ بحرین ایئر شو دی افتتاحی تقریب اچ شرکت کیتی۔ ایئر شو اچ جے ایف 17 لڑاکا طیارہ شائقین دی توجہ دا مرکز ٻݨیا رہے۔ ترجمان پاک فضائیہ آکھیے جو ایئر شو اچ مختلف ممالک دے وفود اتے اعلیٰ فوجی حکام شرکت کیتی۔ تقریب اچ ٻئے طیاریاں، جنگی سازو سامان اتے آلات سودھا ملکی سطح تے ٻݨݨ آلا جے ایف 17 لڑاکا طیارہ شائقین کوں ٻہوں ٻھائے۔ ایئر شو اچ جے ایف 17 طیارے ایروبیٹکس دا شاندار مظاہرہ پیش کیتے۔ سربراہ پاک فضائیہ ایئر چیف مارشل ظہیر احمد بابر سندھو ایئر شو اچ پاک فضائیہ دے اہلکاراں دی کارکردگی دی تعریف کریندے آکھیے جو ایئر شو اچ پاک فضائیہ دے طیاراں دی شرکت قوم کیتے وݙے ماݨ دی ڳالھ اے۔
