اسلام آباد۔28نومبر (اے پی پی) وفاقی وزیر برائے تخفیف غربت تے سماجی تحفظ و چیئرپرسن بینظیر انکم سپوٹ پروگرام شازیہ مری سوشلسٹ انٹرنیشنل (ایس آئی) میڈرڈ سپین اچ تھیوݨ آلی 26ویں کانگریس اچ پاکستان دی نمائندگی کیتی۔ ایں موقع تے شازیہ مری کانگریس دے شرکا کوں پاکستان اچ اڄوکی بارشاں اتے چھل پاروں تھیوݨ آلی تباہی بارے ݙسیا۔ انہاں کانگریس دے مندوبین کوں ݙسیا جو چھل پاروں پاکستان دے نوے توں ودھ ضلعے متاثر تھین، صوبہ سندھ اتے بلوچستان ساریاں توں ودھ متاثر تھین۔ انہاں ݙسیا جو چھل پاروں 33 ملین لوک متاثر تھین اتے 1700 بندے جاں بحق تھین اتے معیشت کوں 40 ارب ڈالر دا ضیان تھیے۔ وفاقی وزیر شازیہ مری دی بریفنگ د روشنی اچ سوشلسٹ انٹرنیشنل موسمیاتی تبدیلیاں پاروں تباہ کن چھل پاروں متاثر تھیوݨ تے پاکستان دی عوام نال یکجہتی کیتی۔
