اسلام آباد۔9مئی(اے پی پی) وفاقی وزیر ماحولیاتی تبدیلی سینیٹر شیری رحمان آکھیے عمران خان دی طرفوں حساس اداریں دے حکام تے الزامات انتہائی خطرناک اتے قابل مذمت ہن۔ آپݨے ھک ٹویٹ اچ انہاں آکھیے عمران خان بغیر ثبوت دے الزام لیندے پئن ایویں بے بنیاد اتے اشتعال انگیز الزامات توں اپݨے کارکناں کوں اکسیندے پئن ۔ وفاقی وزیر آکھیے ھک پاسے اداریں تے الزامات تاں ݙوجھے پاسے انہاں نال ملاقاتاں دی درخواست کریندے پئن ۔ عمران خان تے گزریل سال 3 نومبر کوں حملہ تھیا جیں دی اساں ساریں مذمت کیتی ، جنوری 12 تئیں انہاں دی پنجاب اچ حکومت قائم ہئی، انہاں دی صوبائی حکومت ایں حملے دے حوالے نال کیا تحقیقات کیتی؟ شیری رحمان آکھیے سابق وزیر اعلی پنجاب خود عمران خان دے الزامات مسترد کر چکن ۔ عمران خان آکھدے پئن جو کرپٹ لوکاں دے خلاف ایکشن گھنݨ توں ادارے دی ساکھ ودھدی اے لیکن اپݨے دور اچ انہاں آپݨے وزرا دی کرپشن تے کہیں دے خلاف ایکشن نی ڳھدا ۔
