اسلام آباد۔11مئی (اے پی پی):برطانیہ دے رکن پارلیمنٹ خالد محمود آکھیے بھارت جمہوری کائنی ، اقلیتاں دے حقوق غصب کرݨ آلا ملک اے ،ارکان پارلیمنٹ پنج سال کیتے منتخب تھیندن کوئی کیویں اینکوں کڈھݨ دی ڳالھ کرسڳدے ۔ اے ڳالھ انہاں دستور پاکستان دی گولڈن جوبلی تے بین الاقوامی کنونشن توں خطاب کریندے ہوئیں آکھی اے ۔ انہاں آکھیے بھارت اقلیتاں دے حقوق دے تحفظ اچ ناکام رہیے ،آکھݨ کوں جمہوریت سوکھی چیز اے لیکن حقیقت اچ مشکل کم اے،جمہوریت کوں سمجھݨ بنیادی چیز اے،آئین اچ درج عوامی نمائندیں دی 5 سال دی مدت تے عمل پیرا تھیوݨا ہوسی ۔برطانیہ اچ اساں کنے کوئی تحریری آئین کائنی ،بھارت بالکل جمہوری ملک کائنی ،جفاں کشمیریاں، سکھاں ،تے بھارت اچ دلت طبقے نال تعلق رکھݨ آلیں دی ڳالھ آندی اے تاں بھارت سنگین انسانی حقوق دی خلاف ورزی دا مرتکب پاتا ویندے میں اے منݨ توں انکار کرینداں جو بھارت ھک جمہوری ملک اے۔
