اسلام آباد۔28جولائی (اے پی پی) بے نظیر انکم سپورٹ پروگرام (بی آئی ایس پی) دے تقریباً ہک لاکھ 92 ہزار مستحقین دے کھاتیاں کوں ولا فعال کر ݙتا ڳئے جنہاں کوں گزریل حکومت دے دور اچ پروگرام توں کݙھ ݙتا ڳئیا ہئی۔ بی آئی ایس پی ذرائع موجب 8 لکھ 50ہزار دے نیڑے فائدہ چاوݨ آلی تریمتیں کوں گزریل حکومت مختلف وجہ پاروں انہاں کوں اپیل دا حق ݙتے بغیر بی آئی ایس پی توں کݙھ ݙتا ہئی۔ ہک لکھ 92 ہزار مستحقین اچوں 95 ہزار مستحقین کوں ہݨ تئیں بے نظیر کفالت سکیم دی سہ ماہی قسط مل ڳئی اے اتے ٻنہاں کوں وی جلدی مل ویسی۔
