اسلام آباد۔13دسمبر(اے پی پی) وزیراعظم محمد شہباز شریف دی دعوت تے تاج??ست??ن دے صدر امام علی رحمان کل ٻدھ کوں پا??ست??ن دا 2 ݙینھ دا سرکاری دورہ کریسن ۔ دفتر خارجہ توں جاری بیان موجب دورے اچ ݙوہیں فریقین مختلف شعبیں اچ ݙو پاسے تعاون کوں مزید تکڑا بݨاوݨ تے ڳالھ مہاڑ کریسن ۔ کئی ݙو طرفہ معاہدیں اتے مفاہمت دیاں یادداشتاں تے دستخط تھیوݨ دی توقع اے۔ پا??ست??ن تے تاج??ست??ن پراݨے تاریخی، ثقافتی اتے مذہبی رشتے اچ گھنڈیے ہوئے بھرا ملک ہن ۔ اے تعلقات سانجھے احترام اتے غیر معمولی ہم آہنگی تے مبنی ہن۔ مختلف علاقائی اتے بین الاقوامی مسئلیں تے ݙوہیں ملکاں دا نکتہ نظرھکو سواں اے ۔ تاج??ست??ن وسطی ایشیا اچ پا??ست??ن دا ساریں توں نیڑے پڑوسی اے جیں کوں نہ صرف تنگ واخان راہداری توں انڄ کیتا ڳئے ۔ اے قربت تاج??ست??ن کوں وسطی ایشیا اچ پا??ست??ن دا ھک اہم شراکت دار بݨیندی اے ۔ توقع اے جو تاجک صدر دے دورہ پا??ست??ن نال ݙوہیں ملکاں وچال مختلف شعبیں اچ تعاون کوں مزید ودھاوݨ تے ودھدی ہوئی جیو اکنامک پارٹنرشپ کوں مزید تقویت ملسی۔
