کوئٹہ۔7اکتوبر (اے پی پی):بلوچستان دی پارلیمانی سیکرٹری صحت ڈاکٹر ربابہ خان بلیدی آکھیے جو پاک فوج ، ایف سی دے تعاون ںال ائیر ایمبولینسز دے ذریعے مریضاں دی ہرنائی توں کوئٹہ منتقلی کیتے آپریشن دا آغازسویلے توں ہی کرݙتا ڳیا ،زلزلے دے ممکنہ ضیان پاروں ہرنائی اچ طبی ایمرجنسی نافذ کرݙتی ڳئی اے ، جݙاں جو زلزلے دے فورا بعد ہی زیارت اچ وی ایمرجنسی نافذ کرݙتی ڳئی ، ڈاکٹر ربابہ خان بلیدی میڈیا نال ڳال کریندے ہوئیں آکھیے جو ہرنائی اچ کئی عمارتاں کوں ضیان پڄے جݙاں جو ملبے ولوں کئی لوک دبیے پئن جیں پاروں جانی ضیان دا ݙر اے وختی ڈی ایچ کیو ہرنائی اچ بہتر انتظامات کیتے ڳئن جتھاں زخمیاں کوں طبی امداد ݙتی ویندی پئی اے شدید زخمیاں کوں کوئٹہ علاج کیتے منتقل کیتا ویندا پئے ،ضلعی انتظامیہ اتے ٻئے امدادی اداریں کوں متاثرہ علاقیں اچ الرٹ کرݙتا ڳئے ۔ پارلیمانی سیکرٹری صحت ڈاکٹر ربابہ خان بلیدی زلزلے پاروں قیمتی انسانی جاناں دے ضیان تے ݙکھ تے افسوس کیتے ۔
