اسلام آباد۔30نومبر(اے پی پی):نیشنل ڈیزاسٹر مینجمنٹ اتھارٹی (این ڈی ایم اے )دے چیئرمین لیفٹیننٹ جنرل انعام حیدر ملک اتے پاکستان اچ امریکہ دے سفیر ڈونلڈ بلوم دے درمیان ملاقات تھئی۔ ملاقات اچ چیئرمین این ڈی ایم اے امریکی قیادت اچ سیلاب زدگان کیتے امداد دی تعریف کیتی تے ناگہانی آفات متعلق ردعمل دے نقطہ نظر کوں فعالیت اچ بدالݨ دے این ڈی ایم اے دے وژن توں آگاہ کیتا۔ انہاں مستقبل دی ٹیکنالوجی تے مبنی فریم ورک دی لوڑھ کوں اجاگر کیتا جیڑھا جو ملک دے ’ڈیزاسٹر رسک اٹلس‘ جیہےاقدامات کرݨ دے علاوہ سارے اسٹیک ہولڈرز، انسانی ہمدردی دے اداریں تے بین الاقوامی عطیہ دہندگان نال مربوط ہنگامی ردعمل دا انٹرفیس تھی سڳدے ۔ انہاں نیشنل انسٹی ٹیوٹ آف ڈیزاسٹر مینجمنٹ (این آئی ڈی ایم) بارے وی ݙسایا ۔ چیئرمین این ڈی ایم اے مشترکہ مستقبل کوں محفوظ بݨاوݨ کیتے پائیدار ترقی دے اہداف دے مطابق ‘کلائمیٹ ملینیم اہداف’ کیتے عالمی عزم دی لوڑھ کوں وی چاتا ۔ امریکی سفیر سیلاب توں متاثرہ علاقیں اچ ضیان کوں گھٹ توں گھٹ کرݨ کیتے شراکت داراں دے تعاون توں جاری امریکی کوششاں تے روشنی پاتی تے آب و ہوا توں متاثرہ ڈیزاسٹر مینجمنٹ دے شعبہ اچ مضبوط تعاون تے زور ݙتا ۔
