اسلام آباد۔14مارچ(اے پی پی):صدرمملکت عارف علوی دی دعوت تے گورنر خیبرپختونخوا حاجی غلام علی ایوان صدر اچ انہاں دے نال ملاقات کیتی جیں اچ عام انتخابات دے انعقاد متعلق امور تے ڳالھ مہاڑ کیتی ڳئی اے ۔ ایوان صدر دے پریس ونگ موجب ملاقات اچ صدر ِمملکت اتے گورنرآئین دے آرٹیکل 224 (2) اتے یکم مارچ دے سپریم کورٹ دے حکم دی روشنی اچ الیکشن دے حوالے نال ڳالھ مہاڑ کیتی ۔ صدر ڈاکٹر عارف علوی مشورہ ݙتا جو گورنر الیکشن کمیشن نال مشاورت دے بعد انتخابات دی تاریخ دے حوالے نال سپریم کورٹ دے حکم تے عمل درآمد کرن، تقریباً 2 ہفتے گزر ڳن ، پیچیدگی توں بچݨ کیتے سپریم کورٹ دے فیصلے موجب انتخابات دی تاریخ مقرر کیتی ونڄے ۔صدر مملکت آئین دی پاسداری اتے مقررہ مدت دے اندر عام انتخابات کراوݨ دی لوڑھ تے زور ݙیندے ہوئیں آکھیے جو مقررہ وقت اچ انتخابات آئین لازمی قرار ݙتے، سپریم کورٹ توثیق کیتی اے ، مقررہ وقت اچ انتخابات ملک اچ پارلیمانی جمہوریت کوں مضبوط بݨاوݨ کیتے ضروری ہن۔
