اسلام آباد۔28مئی (اے پی پی):چئیرمین سینیٹ صادق سنجرانی آکھیے ایٹمی صلاحیت پاکستان دے دفاع کوں ناقابل تسخیر بݨا ݙتے۔ یوم تکبیردے موقع تے اپݨے پیغام اچ چیئرمین سینیٹ محمد صادق سنجرانی آکھیے پوری قوم کوں ایٹمی طاقت ہووݨ تے فخر اے ۔ انہاں آکھیے جو یوم تکبیر پاکستانی قوم کیتے قومی غیرت ، قوم دی بے مثال جرات و بہادری دی علامت دا ݙینھ اے ۔پاکستان ایٹمی طاقت ہووݨ پاروں مسلم امہ اچ منفرد حیثیت رکھیندے ۔ چیئرمین سینیٹ آکھیے قومی یکجہتی ،ایٹمی سائنسداناں اتے پاک افواج دی قابل ستائش خدمات دی بدولت پاکستان کوں ھک ایٹمی طاقت بݨݨ دا اعزاز ملیا ۔ چیئرمین سینیٹ آکھیے پاکستان کوں ایٹمی طاقت بݨاوݨ کیتے قومی قیادت دے غیر متزلزل عزم دا لائق تحسین اے ۔
