راولپنڈی ۔21جنوری (اے پی پی) ملتان کور ولوں اوکاڑہ گیریژن اچ پاک فوج اتے رائل سعودی لینڈ فورسز دی سانجھی عسکری ٹریننگ شروع تھی ڳئی اے۔ پاک فوج دے شعبہ تعلقات عامہ (آئی ایس پی آر) موجب سانجھی ٹریننگ دے شروع تے ݙوہیں ملکاں دے فوجی دستیاں بہترین عسکری ڈرل پیش کیتی۔ ایں موقع تے ݙوہیں مکاں دے قومی پرچم دی رونمائی اچ قومی ترانیاں دی دھن وی وڄائی ڳئی۔ تقریب دے مزمان خصوصی گیریژن کمانڈر ہن۔ افتتاحی تقریب دے چھیکڑ اچ مزمان خصوصی ݙوہیں ملکاں دی فوج دے افسراں اتے جواناں کوں سانجھی ٹریننگ دے بیجز لاتے۔
