اسلام آباد۔23مئی (اے پی پی):وزیراعظم شہبازشریف ممتاز حریت رہنما محمد یاسین ملک کوں دہشت گردی دے نقلی مقدمے اچ ملوث کرݨ دے اقدام دی شدید مذمت کریندے ہوئیں آکھیے جو عالمی برادری بالخصوص اقوام متحدہ اتے انسانی حقوق کونسل ماورائے قانون وانصاف اتے انتقام تے مبنی بھارتی اقدام دا نوٹس گھنے ،پاکستان دی حکومت اتے عوام کشمیریاں دی منصفانہ جدوجہد دی ہر ممکن حمایت جاری رکھیسی ۔ وزیراعظم آفس دے میڈیاونگ توں جاری بیان موجب وزیراعظم آکھیے جو بے مثال بہادری و حریت دی علامت اتے ضمیر دے قیدی یاسین ملک دے خلاف بھارتی ہتھکنڈہ مسترد کریندوں ، اے کشمیریاں کوں جھکاوݨ وی ناکام کوشش اے ۔ عالمی برادری بالخصوص اقوام متحدہ اتے انسانی حقوق کونسل ماورائے قانون وانصاف اتے انتقام تے مبنی بھارتی اقدام دا نوٹس گھنے۔حکومت پاکستان عالمی وانسانی حقوق دے سارے اداریں تے اوآئی سی دے فورم تے یاسین ملک اتے کشمیری قیادت دے خلاف انتقامی کارروائیاں کوں پوری قوت نال چیسی ۔ انہاں آکھیے جو 5 اگست 2019دے ناجائز اتے غیرقانونی اقدامات وانڳوں یاسین ملک دے خلاف مقدمہ وی غیرقانونی اتے ناجائز اے ۔ جموں وکشمیر تے ناجائز قبضہ کرݨ آلا بھارت کشمیریاں دی نمائندہ حقیقی قیادت کوں ختم کرݨ دی سوچی سمجھی منصوبہ بندی تے عمل کریندا پئے ۔ انہاں آکھیے آزادی کشمیر دی نشانی سید علی گیلانی شہید دے جسد خاکی توں ݙرݨ آلا بھارت یاسین ملک دی حق گوئی توں ݙردے ۔ اش??ف صحرائی شہید، انہاں دے شہید صاحبزادے سودھے ہزاراں شہداءکشمیر تحریک استصواب رائے دے حصول دی منزل د?? سنگ میل ہن ۔ اے سارے شہداءجموں وکشمیر اچ غیرقانونی طور تے قابض بھارت دے ظلم وبربریت اتے ریاستی دہشت گردی دا ثبوت ہن ۔ پاکستان دی حکومت تے عوام کشمیریاں دی منصفانہ جدوجہد دی ہر ممکن حمایت جاری رکھیسن ۔
.jpg)
